Locations: Krishna

కృష్ణా: పెడన నియోజకవర్గంలోని నాలుగు మండలాల ప్రభుత్వ పాఠశాలల 10వ తరగతి విద్యార్థులు ట్రిపుల్ ఐటీలో ప్రవేశానికి అర్హత సాధించడంపై ఎమ్మెల్యే కాగిత కృష్ణ ప్రసాద్ అభినందనలు తెలిపారు. ఉపాధ్యాయులు, ప్రధానోపాధ్యాయులను ప్రశంసిస్తూ, విద్యార్థులు ఉన్నత శిఖరాలు అధిరోహించేలా కృషి చేయాలన్నారు. కూటమి ప్రభుత్వంలో విద్యాశాఖ మంత్రి నారా లోకేష్ సంచలన మార్పులు తీసుకువచ్చారని, డొక్కా సీతమ్మ మధ్యాహ్న భోజన పథకంలో సన్న బియ్యం అందిస్తున్నారని పేర్కొన్నారు.

కృష్ణా: గూడూరు మండలం తరకటూరు గ్రామంలోని రైతు సేవ కేంద్రం వద్ద మండల వ్యవసాయ అధికారి శివ రామకృష్ణ ‘పొలం పిలుస్తోంది’ కార్యక్రమాన్ని నిర్వహించారు. రైతుల పొలాలకు క్షేత్ర సందర్శనతో పాటు, పంటల సంరక్షణకు తీసుకోవాల్సిన జాగ్రత్తలను వివరించారు. రైతులకు సమర్థవంతమైన వ్యవసాయ పద్ధతులపై అవగాహన కల్పించి, ఉత్పాదకత పెంచేందుకు సలహాలు అందించారు.