కృష్ణా: చల్లపల్లి రాజా శ్రీమంతు రాజా యార్లగడ్డ శివరామప్రసాద్ బహుద్దూర్ తనయుడు, మచిలీపట్నం లోక్‌సభ నియోజకవర్గ మాజీ ఎంపీ యార్లగడ్డ అంకినీడు ప్రసాద్ మృతి పట్ల అవనిగడ్డ ఎమ్మెల్యే మండలి బుద్ధప్రసాద్ శుక్రవారం ప్రగాఢ సంతాపం తెలిపారు. ప్రముఖ ప్రాచీన దేవాలయాల అభివృద్ధికి కృషిచేశారని, చల్లపల్లిలో శివ రామప్రసాద్ బహుద్దూర్ స్థాపించిన ఎస్.ఆర్.వై.ఎస్.పీ హైస్కూల్ ద్వారా వేలాదిమంది పేదవిద్యార్థుల జీవితాల్లో వెలుగులు నింపారన్నారు.
కృష్ణా: మచిలీపట్నంలోని మంగినపూడి బీచ్‌లో జరుగుతున్న మసులా బీచ్ ఫెస్టివల్-2025లో భాగంగా హెలీ రైడ్స్‌ను రాష్ట్ర ఎక్సైజ్ మంత్రి కొల్లు రవీంద్ర, జిల్లా కలెక్టర్ డీకే బాలాజీ కొబ్బరికాయ కొట్టి ఘనంగా ప్రారంభించారు. దక్షిణ భారతదేశంలోనే అతి పెద్ద ఈవెంట్‌గా గుర్తింపు పొందిన ఈ ఫెస్టివల్ జూన్ 5 నుంచి 8వ తేదీ వరకు నలుగురు రోజులపాటు సాగనుంది.
ఎన్టీఆర్: విజయవాడలో శాతవాహన కళాశాల ప్రిన్సిపాల్ వంకాయలపాటి శ్రీనివాస్ కిడ్నాప్ కేసు సుఖాంతమైంది. నిన్న సాయంత్రం 6 నుంచి అర్ధరాత్రి 12 వరకు నిర్బంధంలో ఉంచిన కిడ్నాపర్లు, పోలీసుల జోక్యం, మీడియా కథనాలతో శ్రీనివాస్‌ను విజయవాడలో విడిచిపెట్టారు. ఆలపాటి రాజా అనుచరులు స్థల వివాదంపై సంతకాలు తీసుకున్నారు. 2009 నుంచి సుప్రీంకోర్టులో కేసు నడుస్తోంది. శ్రీనివాస్ ప్రాణభయంతో పోలీసు రక్షణ కోరుతున్నారు.
కృష్ణా: గుడ్లవల్లేరు మండలం విన్నకోటని పోల్‌రాజ్ మేజర్ డ్రైన్‌లో రూ.20లక్షలతో పూడికతీత పనులను ఎమ్మెల్యే వెనిగండ్ల రాము ప్రారంభించారు. ఈ సందర్భంగా పూజా కార్యక్రమాలు నిర్వహించిన ఎమ్మెల్యే రాము స్వయంగా ప్రోక్లెన్ నడుపుతూ కాలువలో పూడిక తొలగించారు. డ్రైనేజీలకు 15ఏళ్లుగా పూడిక తీయకపోవడంతో, భారీ వర్షాలు వరదలు వచ్చిన సమయంలో ఎంతో నష్టపోయామని రైతులు ఎమ్మెల్యే రాము వద్ద ఆవేదన వ్యక్తం చేశారు.
ఎన్టీఆర్: జగ్గయ్యపేట నియోజకవర్గంలోని వైసీపీ నాయకులు జగన్‌ను కలిసేందుకు బయలుదేరారు. ఇటీవల కాలంలో నియోజకవర్గ సమన్వయ కర్త తన్నీరు నాగేశ్వరరావు తీరును వైసీపీ నాయకులు వ్యతిరేకిస్తున్నారు. ఈ నేపథ్యంలో జగన్‌ను కలిసి అతనిపై అసంతృప్తి వెల్లడించేందుకు వైసీపీ నాయకులు బయలుదేరారు.
కృష్ణా: మచిలీపట్నంలో 2వ రోజు మసులా బీచ్ ఫెస్టివల్ ప్రారంభమైంది. బీచ్ ఫెస్టివల్‌లో భాగంగా 3వ జాతీయ స్థాయి సీ కయాకింగ్ పోటీలను మంత్రి కొల్లు రవీంద్ర ప్రారంభించారు. పోటీల్లో పాల్గొనేందుకు 17రాష్ట్రాల నుంచి క్రీడాకారులు వచ్చారు. రాష్ట్రంలో తొలిసారిగా నిర్వహిస్తున్న ఈ పోటీలను బీచ్ ఫెస్టివల్‌కు వచ్చిన పర్యాటకులు ఆసక్తిగా వీక్షిస్తున్నారు. 3రోజుల పాటు ఈ పోటీలు జరగనున్నట్లు నిర్వాహకులు తెలిపారు.
ఎన్టీఆర్: మనిషిగా ఒకడు మానవత్వం మరిచి వృద్ధురాలిని వదిలేస్తే, సాటి మనిషిగా మరొకరు వృద్ధురాలికి అండగా నిలిచి మానవత్వం చాటుకున్నారు. నక్కరెడ్డిపల్లికి చెందిన ఎలిగుంట సత్యవతి(75)ని బంధువులు తీసుకొచ్చి ఇబ్రహీంపట్నంలో వదిలేశారు. దిక్కు తోచని స్థితిలో ఉన్న ఆవృద్ధురాలిని టీడీపీ మండల అధ్యక్షులు రామినేని రాజా ఖర్చుల నిమిత్తం ఆర్థిక సాయం అందించి సొంత ఊరికి పంపే ఏర్పాట్లు చేసి మానవత్వం చాటుకున్నారు.
ఎన్టీఆర్: ఇబ్రహీంపట్నం మండలం దోనబండ వద్ద లారీ భీభత్సం సృష్టించింది. హైదరాబాద్ వైపు నుంచి వస్తున్న లారీ అదుపుతప్పి ఆలయ ఆర్చిని, అనంతరం కరెంటు స్థంభాన్ని ఢీకొట్టింది. ఆర్చి ద్వారం స్వల్పంగా ధ్వంసం కాగా కరెంట్ స్థంభం విరిగి పండింది. ప్రమాదం జరగకపోవడంతో స్థానికులు ఊపిరి పీల్చుకున్నారు. లారీ డ్రైవర్ గంజాయి మత్తులో ఉన్నట్లు స్థానికులు తెలిపారు. డ్రైవర్‌ను పోలీసులు అదుపులోకి తీసుసకున్నారు.
ఎన్టీఆర్: కంచికచర్ల పట్టణానికి చెందిన దేవిరెడ్డి నాగరాజు ఆర్థిక బాధలతో ఆత్మహత్య చేసుకొని మృతిచెందారు. విషయం తెలుసుకున్న మాజీ ఎమ్మెల్యే మొండితోక జగన్మోహనరావు నందిగామ మార్చురీలో మృతదేహన్ని సందర్శించారు. అనంతరం వారి కుటుంబ సభ్యులను పరామర్శించి, ప్రగాఢ సానుభూతిని తెలియజేశారు.
