Locations: Krishna

ఎన్టీఆర్: కంచికచర్ల మండలం గొట్టుముక్కలలో డిప్యూటీ సీఎం పవన్ కళ్యాణ్, స్వర్గీయ నందమూరి హరికృష్ణ పుట్టినరోజు వేడుకలను ఘనంగా నిర్వహించారు. కూటమి నాయకులు ఆధ్వర్యంలో వేడుకలకు మండల టీడీపీ అధ్యక్షుడు కోగంటి బాబు ముఖ్యఅతిథిగా హాజరయ్యారు. ఈ సందర్భంగా టీడీపీ నాయకులు, కార్యకర్తలతో కలిసి కోగంటి బాబు కేకు కట్ చేశారు. అనంతరం భారీ అన్నదాన కార్యక్రమం నిర్వహించారు.

ఎన్టీఆర్: వీరులపాడు మండలం చౌటపల్లి టీడీపీ సీనియర్ నాయకులు గురిజాల అజయ్ కుమార్ భార్య మాజీ ఎంపీటీసీ సభ్యురాలు గురిజాల విజయ రాణి మంగళవారం మృతిచెందారు. ఆమె అంతియ యాత్ర కార్యక్రమం బుధవారం ఉదయం చౌటపల్లిలో నిర్వహిస్తామని కుటుంబ సభ్యులు తెలిపారు.

ఎన్టీఆర్: విజయవాడలోని కంట్రోల్ రూమ్ వద్ద మాజీ సీఎం వైఎస్‌ఆర్ వర్ధంతి సందర్భంగా ఆయన విగ్రహానికి పూలమాలవేసి నివాళులర్పించారు. ఈ సందర్భంగా జిల్లా వైసీపీ అధ్యక్షులు దేవినేని అవినాష్ వైఎస్‌ఆర్ పాలనను గుర్తుచేశారు. YSR పేరు గుర్తొస్తేనే సంక్షేమం, అభివృద్ధి గుర్తుకొస్తాయన్నారు. అన్ని వర్గాల ప్రజలను YSR ఆదుకున్నారని, YSR పాలనను ఐకాన్ లాగా తీసుకొని ప్రక్క రాష్ట్రాల వారు పాలన చేస్తున్నారన్నారు.

ఎన్టీఆర్: విజయవాడలో మాజీ సీఎం వైఎస్ రాజశేఖర్‌రెడ్డి వర్ధంతి వేడుకలను నిర్వహించారు. ఈ సందర్భంగా కంట్రోల్ రూమ్ వద్ద వైఎస్ విగ్రహానికి పూలమాలలు వేసి నివాళులర్పించారు. ఈ కార్యక్రమంలో మాజీ మంత్రులు వెల్లంపల్లి శ్రీనివాస్, జోగి రమేష్, జిల్లా వైసీపీ అధ్యక్షులు దేవినేని అవినాష్, సెంట్రల్ నియోజకవర్గ ఇన్‌ఛార్జ్ మల్లాది విష్ణు, మేయర్ రాయన భాగ్యలక్ష్మి, డిప్యూటీ మేయర్ అవుతూ శైలజతదితరులు పాల్గొన్నారు.

ఎన్టీఆర్: మాజీ అదనపు డైరెక్టర్ జనరల్ ఆఫ్ పోలీస్ (ADG) ఎన్.సంజయ్‌ను గొల్లపూడి ఏసీబీ కార్యాలయానికి తరలించారు. ఏపీ రాష్ట్ర విపత్తు ప్రతిస్పందన & అగ్నిమాపక సేవల డైరెక్టర్ జనరల్‌గా పనిచేస్తున్నప్పుడు ప్రజా ధనాన్ని దుర్వినియోగం చేశారనే ఆరోపణలు వచ్చాయి. ఈ మేరకు సంజయ్‌ను జిల్లా జైలు నుంచి గొల్లపూడిలోని ఏసీబీ కార్యాలయానికి తరలించి విచారణ చేస్తున్నారు.

ఎన్టీఆర్: వత్సవాయి మండలం మంగోల్లు గ్రామంలో వైఎస్ రాజశేఖర్ రెడ్డి 16వ వర్ధంతి వేడుకను నిర్వహించారు. ఈ సందర్భంగా జగ్గయ్యపేట నియోజకవర్గ వైసీపీ ఇన్‌ఛార్జ్ తన్నీరు నాగేశ్వరరావు ఆయన విగ్రహానికి గ్రామ నాయకులతో కలిసి పూలమాలవేసి నివాళులర్పించారు. రాజశేఖర్ రెడ్డి బడుగు, బలహీన వర్గాల ప్రజలకు అందించిన సంక్షేమ పథకాలను గుర్తుచేసుకొని స్మరించుకున్నారు.