Locations: Krishna

ఎన్టీఆర్: జగ్గయ్యపేట మండలం చిల్లకల్లులో లబ్ధిదారులకు ఎమ్మెల్యే శ్రీరామ్ రాజగోపాల్, జిల్లా కలెక్టర్ లక్ష్మిషా పింఛన్లు పంపిణీ చేశారు. కార్యక్రమంలో ఇతర అధికారులు, మున్సిపల్, సచివాలయ సిబ్బంది పాల్గొన్నారు.

ఎన్టీఆర్: నందిగామ డివిజన్‌లో ఆదివారం ఉదయం 8 గంటల నుంచి సోమవారం ఉదయం 8 వరకు 71.8 మిల్లీమీటర్ల వర్షపాతం నమోదైంది. అత్యధికంగా వీరులపాడులో 28.6 మి.మీ. వర్షం కురిసింది. కంచికచర్లలో 12.0 మి.మీ, నందిగామలో 8.6 మి.మీ, పెనుగంచిప్రోలులో 8.6 మి.మీ, జగ్గయ్యపేటలో 4.8 మి.మీ, చందర్లపాడులో 5.2 మి.మీ, సగటు వర్షపాతం 10.2 మి.మీగా నమోదైంది. మరో మూడు రోజులు విస్తారంగా వర్షాలు కురుస్తాయని జిల్లా కలెక్టర్ లక్ష్మి షా తెలిపారు.

ఎన్టీఆర్: మైలవరం నియోజకవర్గంలోని రెడ్డిగూడెంలోని పలు ఎరువులు, పురుగు మందుల దుకాణాల్లో ఏవో శ్రీనివాసరావు, ఆర్ఏ గంధం పుల్లయ్య, పోలీసులు తనిఖీలు చేపట్టారు. ఒక షాపులో అవకతవకలు గుర్తించి ఉన్నతాధికారులకు నివేదిక పంపినట్లు తెలిపారు. రికార్డులు సవ్యంగా నిర్వహించకపోయినా, ఎరువులు బ్లాక్ చేసినా చర్యలు తప్పవని డీలర్లను హెచ్చరించారు.

ఎన్టీఆర్: కంచికచర్ల, వీరులపాడు మండలాల్లో తెల్లవారుజామున 4 గంటల నుంచి భారీ వర్షం కురుస్తోంది. దీంతో రహదారులు జలమయం అయ్యాయి. రైతులు, ప్రజలు జాగ్రత్తలు తీసుకోవాలని అధికారులు సూచించారు.

ఎన్టీఆర్: చందర్లపాడు మండలం తుర్లపాడు బొడ్రాయి సెంటర్‌లో జరిగిన గణపతి పూజా కార్యక్రమంలో నందిగామ మున్సిపల్ కమిషనర్ లవరాజు దంపతులు పాల్గొన్నారు. గ్రామ నాయకులు దాసర ఏసుప్రభు, తదితరులు కూడా భక్తిభావంతో భాగస్వాములయ్యారు.

ఎన్టీఆర్: జన విజ్ఞాన వేదిక జిల్లా 18వ మహాసభ కొండపల్లి క్రాంతి హైస్కూల్లో ఆదివారం జరిగింది. జెవీవీ రాష్ట్ర ఉపాధ్యక్షులు మురళీధర్ మాట్లాడుతూ.. సాంకేతిక అభివృద్ధి మానవ సంక్షేమానికి ఉపయోగపడాలి.. తప్ప వినాశనానికి కాదని అన్నారు. వాతావరణ కాలుష్యాన్ని నియంత్రించి పర్యావరణ పరిరక్షణ కోసం ప్రజలలో జెవీవీ అవగాహన పెంచుతుందన్నారు.